Роналдуни тақдирлашади!

“Манчестер Юнайтед” ҳужумчиси Криштиану Роналду “Норвич”га қарши ўтказилган учрашувда учта тўп киритиб, фаолияти давомидаги 60-хет-трикни қайд этди.

OptaSport статистика порталининг маълум қилишича, португалиялик юлдуз клуб миқёсида 50 маротаба ва Португалия терма жамоасида 10 марта хет-трикка эришган. Бундан ташқари, Криштиану жаҳон футболида ҳамда ўз мамлакати терма жамоасида расмий учрашувларда энг кўп тўп киритган футболчи сифатида рекорд ўрнатган.

Маълумотларга қараганда, Криштиану Роналду “Норвич” билан ўйинда қайд этган хет-трики учун молиявий бонус билан мукофотланади.