Роналдунинг онаси ўғлининг Португалия терма жамоасидаги ҳолати ҳақида гапирди

Португалия терма жамоаси ҳужумчиси Криштиану Роналдунинг онаси Долорес Авейру ўғлининг миллий жамоадаги вазиятига муносабат билдирди.

Эслатиб ўтамиз, 41 ёшли футболчи бош мураббий Жорже Жезуш Норвегияга қарши Миллатлар лигаси учрашувида (2:1) уни майдонга туширмаганидан сўнг Португалия терма жамоаси қароргоҳини тарк этган.

Авейрунинг айтишича, бу вазият унга қаттиқ таъсир қилган ва ўғли учун хафа бўлган. Шунингдек, у Роналду жамоани асосий эшик орқали тарк этиши мумкин бўлганига қарамай, орқа чиқиш йўлагидан кетганини таъкидлади.

«Аммо ҳеч қандай ёмон нарса бўлмайди, Худо унга ғамхўрлик қилади. Мен бироз йиғладим. Бу ҳам фойдали — ҳис-туйғуларни чиқариб юбориш керак. Биз бунинг барчасини енгиб ўтишимиз лозим», — деди Авейру A Bola нашрига берган интервьюсида.