Роналдунинг опаси Португалия терма жамоасини қаттиқ ҳақорат қилди

Криштиану миллий жамоани тарк этди

Криштиану Роналдунинг опаси Эльма Авейру Португалия терма жамоасида юзага келган можаро ва укаси атрофидаги вазиятга муносабат билдирди. Бир неча кун олдин машҳур ҳужумчи миллий жамоа йиғинларини тарк этгани ҳақида хабарлар тарқалган эди. ОАВ маълумотларига кўра, Португалия терма жамоаси бош мураббийи Жорже Жезуш Роналдуга берган ваъдасини бажармаган, футболчи эса буни иккиюзламачилик ва хиёнат сифатида қабул қилган.

Эльма Авейру ушбу можарога жавобан жуда кескин баёнот билан чиқди ва Португалия терма жамоаси ҳамда мамлакат жамоатчилигини қаттиқ танқид қилди.

«Португалия Роналду пайдо бўлишидан олдинги ўртача, ҳеч кимни қизиқтирмайдиган ҳолатига қайтишга муносиб. Криштиану катта ҳурматга лойиқ эди. Терма жамоа эса яхшироқ ташкилотчиликка муҳтож эди. Португал оммавий ахборот воситалари кўпроқ малакага ва камроқ миш-мишларга лойиқ. Португал халқига келсак... улар ҳеч бир соҳада энг яхшисига муносиб эмас. Биз ҳасадгўй, менсимас ва савиясизмиз. Ҳаммаси учун раҳмат, CR7. Сен бундан ҳам кўпроғига лойиқсан!» — деб ёзди Роналдунинг опаси ижтимоий тармоқларда.