Роналдунинг “Юве”даги ўрнини Неймар эгаллайдими?

“Ювентус”нинг ёзги трансфер мавсумидаги асосий мақсадларидан бири Криштиану Роналдуни бошқа жамоага ўтказиб юбориш бўлиб қолмоқда.

Италиялик инсайдер Танкреди Палмьерининг маълум қилишича, туринликлар жамоада Пауло Дибала, Деян Кулушевски ва Федерико Кьезани олиб қолиш учун тезроқ Роналдудан воз кечиши керак. Бу кўп жиҳатдан клубнинг молиявий ҳолатидан келиб чиққан вазият экани айтилмоқда.

Роналдуни ўз сафида кўрмоқчи бўлаётган клублардан бири ПСЖ бўлиб турибди. Буни инобатга олган “Ювентус” спорт директори Фабио Паратичи Париж клубидаги ҳамкасби Леонардога ажойиб  рокировка таклиф этмоқда. У Криштиану Роналдуни тўғридан тўғри Неймарга алмаштиришни хоҳлаяпти.

Аввалроқ, Леонардо ПСЖнинг Криштиану Роналдуни олиши ҳақидаги хабарларга муносабат билдириб, буни инкор этмади.

Матнда хатолик топсангиз, ўша хатони белгилаб, бизга жўнатинг (Ctrl + Enter)