Россия премьер-лигаси. Эркинов жамоасида "тозалаш" ишлари бошланди

"Торпедо" жамоаси раҳбарияти клубда "тозалаш" ишларини бошлаб юборди. Жамоа бугун бош мураббий ва спорт директори билан хайрлашганини маълум қилди. 

Ҳозирда москваликлар 5 ўйиндан сўнг атиги 1 очко тўплашга муваффақ бўлди. Шу сабаб бош мураббий Александр Бородюк ўзаро келишув асосида жамоани тарк этадиган бўлди. 

Шунингдек, клуб спорт директори Максим Ляпин билан ҳам келишув бекор қилинди. У "Торпедо"да 2020 йил июн ойидан бери ишлаб келаётганди. 

Маълумотларга кўра, Ҳожимат Эркинов тўп тепадиган жамоага янги бош мураббий Александр Кержаков бўлиши кутилмоқда. У аввал бошқа легионеримиз Иброҳимҳалил Йўлдошев  ҳаракат қиладиган "Нижний Новгород"га устозлик қилганди.