Россия терма жамоасининг Парагвайга қарши ўйини бошқа муддатга қолдирилди!

Россия ва Парагвай терма жамоалари ўртасидаги баҳс бекор қилинди. Томонлар беллашув бошқа вақт оралиғида ўтказилиши мумкинлиги борасида келишиб олди. 

Россия футбол иттифоқи ва Парагвай футбол ассосиацияси Красногорскда юз берган теракт сабаб шундай қарорга келишган. Ўйин 25 март куни Москвадаги "ВТБ Арена"да бўлиб ўтиши кўзда тутилганди. 

"Учрашувга чипта сотиб олган мухлислар пулни тўлиқ қайтариб олиши мумкин бўлади. Харид қилинган чипталарни қайтариш тартиби тўғрисида маълумотлар кейинроқ батафсил эълон қилинади", - дейилади Россия футбол иттифоқи расмий сайтида.