Россиялик футболчи АПЛ клубини менсимади

Санкт-Петербургнинг "Зенит" клуби ярим ҳимоячиси Магомед Оздоев фаолиятини Англия премьер-лигасида давом эттириши мумкин эди.

Россиялик журналист Иван Карповнинг сўзларига кўра, 27 ёшли футболчига “Брайтон”дан таклиф бўлган. Аммо, Магомед клуб АПЛнинг кучсиз жамоаларидан бўлгани учун ушбу таклифни рад этган. Таъкидлаш керакки, “Брайтон” 29-турдан сўнг мусобақа жадвалида 15-ўринни эгаллаб турибди.

Оздоев жорий мавсум “Зенит” сафида 28 та ўйинда майдонга тушди ва 4 та гол ҳамда 4 та голли узатмага муаллифлик қилишга эришди. Унинг трансфер нархи эса 5,5 млн еврога баҳоланмоқда.