Россиялик футболчи Ўзбекистонга чақиришганини айтди

Россия Премьер-лигаси вакили “Химки” жамоасидаги фаолиятини якунлаган Кирилл Панченко Ўзбекистон ва Қозоғистон клубларидан чорлов бўлганини айтди.

- Ҳозирча, “Динамо-2” жамоаси билан шуғулланиь турибман. Ўзбекистон ва Қозоғистондан таклифлар бор. Лекин бу мамлакатлар узоқда жойлашган, ҳаёт тарзи бошқача. Лекин молиявий томонида жуда яхши.

Россиянинг биринчи лигасидаги жамоаларда ўйнаш варианти бор. Лекин бу клублар ўз олдига юқори мақсадларни қўймаган. Ҳали бир қарорга келганим йўқ. Бироқ фаолиятимни тугатиш ҳақида ўйлаганим йўқ, кучим бор ва яна ўйнаш ниятидаман, - деди Кирилл Панченко.

35 ёшли футболчи профессионал фаолияти давомида “Нижний Новгород”, “Мордовия”, “Томь”, “Арсенал Тула”, “Тамбов”, “Динамо Москва”, ЦСКА каби клубларда ҳам ўйнаган.

Охиги икки йил “Химки”да тўп тепган ҳужумчи бир ой олдин клуб билан ўзаро келишган ҳолда амалдаги шартномасини бекор қилди. Панченко жорий мавсумда барча турнирларда 13 маротаба майдонга тушиб, учта гол урганди.