Ro‘ziqul Berdiev: "O‘yin boshidagi vaziyatdan foydalanganimizda boshqacha ketardi"

“So‘g‘diyona” – “Nasaf” (1:0) uchrashuvidan keyin mehmonlar ustozi Ro‘ziqul Berdiev mag‘lubiyat sababi haqida gapirdi.

- Ko‘p narsaga to‘xtalmoqchi emasman. “So‘g‘diyona” jamoasi g‘alaba qozondi. Ularni tabriklayman.

- Jamoangizga nima etishmadi?

- Albatta, gol etishmadi. Ko‘rdinglar, ko‘p vaziyatlar bo‘ldi. Shuning uchun ko‘p detallarga qaytmoqchi emasman. O‘zlaring ko‘rdinglar, qanchalik ustunlik va imkoniyatlar yaratgan bo‘lsak-da, gol ura olmadik va mag‘lubiyatga uchradik. Agar uchrashuv boshidagi vaziyatdan foydalanganimizda balki boshqacha ketardi. Raqib qarshi hujumlarda yaxshi harakat qildi va bitta vaziyatda gol keltirdi.