РПЛ. Бугун Ўрунов ва Жалолиддинов ўйнаётган клубларни муҳим баҳслар кутиб турибди

Бугун Россия Премьер-лигаси 15-турига старт берилади. Ҳамюртларимиз Остон Ўрунов ҳамда Жасур Жалолиддинов ҳаракат қилаётган клублар ҳам айнан бугун ўз ўйинини ўтказади.

Хусусан, "Спартак" ўз уйида "Динамо" Москва жамоасини қабул қилади. Жамоалар РПЛ турнир жадвалида ёнма-ён жойлашган ва бу жиҳат дербининг қизиқарли ўтишини таъминлаши табиий. Ғалаба "оқ-қизиллар"ни кучли учликда олиб қолса, "Динамо"нинг медаллар ҳудудига киришини англатади.

Шунингдек, Жасур Жалолиддинов ўйнаётган "Тамбов" клуби "Краснодар" майдонига сафар қилади. Ушбу ўйин жадвалнинг 13-поғонасини эгаллаб турган тамбовликлар учун муҳим аҳамият касб этади. Ғалаба қўлга киритилган тақдирда, "Тамбов" 11-ўрингача кўтарилиб, хавфли ҳудудни тарк этади.