Рубен Аморим: "Клубнинг аниқ режаси бор ва биз унга амал қиламиз"

"Манчестер Юнайтед" бош мураббийи Рубен Аморим қишки трансфер ойнасида жамоанинг режалари ҳақида фикр билдирди.

"Ҳозир айрим муаммоларга дуч келяпмиз, аммо клубнинг аниқ режаси бор ва биз шу режага амал қиламиз.

Агар биз келажакда жамоа учун муҳим бўлади, деб ҳисоблаган футболчини олиш имконияти пайдо бўлса, бу амалга ошади.

Агар ундай имконият бўлмаса, бизда Жек Флетчер бор, Шей Лейси бор. Уч ҳафтадан кейин Амад Диалло, Нуссаир Мазрауи ва Брайан Мбёмо жамоага қўшилади. Шунингдек, Бруну Фернандеш ва Кобби Майну ҳам сафга қайтади", – дея таъриф бериб ўтди португалиялик мутахассис.