Ruben Amorim: "O‘zgartirilishi kerak bo‘lgan narsa jismoniy holatdir"

"Manchester Yunayted"ning yangi bosh murabbiyi etib tayinlangan Ruben Amorim birinchi uchrashuvdan oldin klubda nimalarni o‘zgartirish kerakligi va yangi o‘yin uslubida haqida o‘z fikrlari bilan o‘rtoqlashdi.

"Menimcha hozirgi jamoada asosiy o‘zgartirilishi kerak bo‘lgan ish bu – jismoniy holat. Buni yaxshilay olsak, albatta katta yutuqlarga erishamiz. Lekin bu uchun qancha vaqt ketishini bilmayman, shuning uchun menga biroz vaqt kerak. 

Klub so‘nggi o‘yinlarda to‘pni juda tez yo‘qotmoqda, shuning uchun biz ko‘proq to‘p nazoratni qo‘lga olishimiz kerak. Shu bilan birga, tezroq himoyaga qaytishni ham o‘rganishimiz zarur. Agar o‘yin uslubim haqida so‘rasangiz men shunday javob beraman” – deya o‘z fikrlari bilan o‘rtoqlashdi portugaliyalik mutaxassis. 

Ma’lumot o‘rnida, Amorim "qizil iblislar"dan avval "Sporting" klubida ishlab, ko‘plab muvaffaqiyatlarga erishgan. Uning MYudagi dastlabki uchrashuvi 24 noyabr kuni "Ipsvich Taun"ga qarshi bo‘ladi. Uchrashuv Toshkent vaqti bilan 21:30 da start oladi.