Руслан Абдуллаев: Мақсадим - чемпион бўлиб, Ўзбекистон байроғини юқорига кўтариш

Тошкентдаги "Ҳумо арена"да бокс бўйича жаҳон чемпионати давом этмоқда.

Руслан Абдуллаев -63,5 кг вазн тоифасида испаниялик Оер Ибарречега қарши рингга кўтарилди. Эътиборлиси, ҳамюртимиз биринчи раунднинг ўзида рақибини техник нокаутга учратиб, муддатидан аввал ғалаба қозонди.

Жангдан сўнг боксчимиз ўз фикрлари билан ўртоқлашди.

- Иккинчи жангимни ҳам ғалаба билан тугатганим яхши бўлди. Мураббийларимиз ўргатган тактикани қўллаб, биринчи раундда жангни тугатдим. Энди кейинги жангга тайёргарлик кўрамиз. Мақсадим - чемпион бўлиб, Ўзбекистон байроғини юқорига кўтариш, - деди Руслан Абдуллаев.