Рустам Ашурматов Суперлигага қайтиши мумкин!

Хабарингиз бор, Фарғонанинг "Нефтчи" жамоаси трансферлар ойнасини "портлатмоқда".

"Йўлбарслар" ҳозирга қадар Элдор Суюнов, Тома Табатадзе, Жамшид Искандеров, Жамшид Болтабоев, Аброр Исмоилов, Йован Жокич, Фаррух Сайфиев, Муҳаммадали Ғиёсов, Шоҳрух Гадоев, Икром Алибоев, Владимир Йовович каби йирик трансферларни амалга оширди.

Бизга маълум бўлишича, фарғоналиклар трансфер ойнасидаги юришини давом эттиради. Жамоа марказий химоя чизиғи учун сифатли ижрочи изламоқда. Клуб шортлистида "Насаф" билан чемпион бўлган Игорь Голбан ва "Рубин" сафидаги легионеримиз Рустам Ашурматовлар бор.

Эслатиб ўтамиз, бир неча кун аввал Ашурматовнинг Қозон клубидан кетиши мумкинлиги ҳақидаги хабарлар тарқалган эди. Рашид Раҳимов терма жамоамиз етакчиларидан бирини ўз режаларида кўрмаяпти.