Sabina Sharipova Xitoyda o‘zini ko‘rsatmoqda
Xitoyda mamlakatimizning birinchi raqamli tennischisi Sabina Sharipova Xalqaro tennis federatsiyasi – ITF tomonidan sovrin jamg‘armasi 15.000 AQSh dollari bo‘lgan nufuzli turnirda chorak finalga chiqdi.
Musobaqaning birinchi davrasida Sabina xitoylik Sun Ziyuga qarshi kortga chiqib, 6:3, 6:0 hisobida g‘alaba qozongan bo‘lsa, ikkinchi davrada yana bir mezbon tennischi Shuo Fengni 6:3, 6:3 hisobida mag‘lubiyatga uchratdi.
Shu tariqa Sabina Sharipova musobaqaning chorak finalida xitoylik Ao Gai va Shuyue Ma o‘rtasidagi uchrashuv g‘olibiga qarshi kortga chiqadigan bo‘ldi.
Fikrlar