Saidjamshid Jafarov ham qozog‘istonlik bokschiga finalda yutqazdi. Hamyurtimiz kumush medal va 100 ming dollarga ega chiqdi

Toshkentdagi "Humo arena"da boks bo‘yicha erkaklar o‘rtasidagi jahon chempionati o‘z poyoniga etmoqda. Bugun ikkinchi kungi final janglari o‘tkaziladi.

-71 kg vazn toifasida Saidjamshid Jafarov qozog‘istonlik Aslanbek Shimbergenovga qarshi ringga ko‘tariladi. Jang 18:00dan so‘ng start oladi.

Bokschilar ringga chiqib keldi. Hamyurtimiz ko‘k formada, uning raqibi ko‘k libosda harakat qiladi.

Ilk raund Aslanbek foydasiga - 5:0.

Ikkinchi raundda Saidjamshidning ustunligi qayd etildi - 2:3.

Uchinchi raundda ham Aslanbekning qo‘li baland keldi - 5:0. Yakuniy hisob 5:0 qozog‘istonlik bokschi foydasiga.

Shu tariqa, Saidjamshid Jafarov jahon chempionatini kumush medal bilan yakunladi va 100 ming dollar pul mukofotiga ega bo‘ldi.