Салаҳнинг голлари

Англия Премьер-лигаси 21-туридан ўрин олган учрашувни амалдаги чемпион "Ливерпуль" меҳмонда ўтказди. "Вест Хэм" майдонига сафар қилган "қизиллар" 3:1 ҳисобида зафар қучди.

Ўйин тақдирини Муҳаммад Салоҳ ва Жоржиньо Вейналдумнинг голлари ҳал этди. Мисрлик футболчи 57-дақиқада ҳисобни очди. Орадан кўп вақт ўтмай, унинг ўзи дарвозабон билан бирга-бир вазиятдан унумли фойдаланиб, якунда жамоасига муҳим очколарни олиб келган дублга муаллифлик қилди.

Шунингдек, Вейналдум жамоадошларининг супер комбинациясини аниқ зарба билан якунлади. Ушбу голларга "болғачилар" 1 марта жавоб қайтара олди. 87-дақиқада Крейг Доусон бурчакдан етказиб берилган тўпни рақиб дарвозасига киритиб, ҳисобнинг йирик кўриниш олишига йўлқ қўймади.

Ушбу ғалабадан кейин "Ливерпуль" ҳисобидаги очколар сони 40 тага етди ва улар кучли учликка кириб олди. Мағлубиятга учраган "Вест Хэм" онлайн жадвалда 5-поғонада қолди.

Вест Хэм

  • Крейг Доусон 87'

Премьер-лига 21-тур

31/01/2021, 21:30

1
:
3
Тугади

Ливерпуль

  • Мохамед Салах 57', 68'
  • Джорджиньо Вейналдум 84'

Стадион: London Stadium 0 томошабин

Бош ҳакам: Jonathan Moss

45'
90'

  • 1'

    1

  • 1'

    1

  • 90+4'

    Учрашув якунланди. Матнли трансляция Жавоҳир Азимов томонидан олиб борилди!

  • 90+2'

    Жамоалар таблодаги ҳисобга рози бўлган ҳолда, ўйинни тезроқ якунлаб қўйишга қарши эмасдек туюлмоқда.

  • 90'

    Учрашувнинг асосий вақтига 4 дақиқа қўшиб берилди

  • 87'

    ГООООООООООООЛЛЛЛЛЛЛЛЛЛ! "Вест Хэм" ҳисобни қисқартирди!

    Жарима майдонига етказиб берилган тўпни Доусон дарвозага киритди.

  • 86'

    Майдон эгалари бурчак зарбасини қўлга киритди.

  • 84'

    ГОООООООООООООЛЛЛЛЛЛЛЛЛЛЛ! "Ливерпуль" рақибни батамом таслим этди!

    Мерсисайдликларнинг ажойиб комбинациясини Вейналдум гол билан якунлади.

  • 81'

    Мойес шогирдларининг барча ҳаракатлари бесамар кетяпти.

  • 78'

    Дивок Оригига тиббий ёрдам кўрсатилмоқда.

  • 76'

    Салаҳ узоқ масофадан ўта ноаниқ зарба берди.

  • 74'

    Жарима майдони томон Робертсоннинг узатган тўпини ҳимоячилар қайтарди.

  • 72'

    Мезбонлар футболчиси ўйиндан ташқари ҳолатда қолиб кетди.

  • 70'

    Шакири захирага олинди. Унинг ўрнига Фирмино ўйинни давом эттиради.

  • 68'

    ГОООООООООООООЛЛЛЛЛЛЛЛЛЛЛЛ! "Ливерпуль" ҳисобни ишончли кўринишга келтирди!

    Шакирининг заргарона узатмасини моҳирлик билан ўзига бўйсундирган Муҳаммад дарвозабонга имконият қолдирмади.

  • 66'

    Бурчакдан оширилган тўпни "Вест Хэм" вакили дарвозага йўллади. Зарбага аниқлик етишмади.

  • 64'

    Жарима майдони ичида Соучек Хендерсонга нисбатан жиддий қўполлик ишлатди. Қўполлик карточкага тортарди, бироқ Томаснинг ўундоқ ҳам сариқ карточкаси борлиги учун ҳакам уни аяди.

  • 62'

    Пабло Форнальс ўрнига Андрей Ярмоленко ўйинни давом эттиради.

  • 60'

    Лондонликлар олдинга ўтишга мажбур. Бироқ "қизиллар" рақибга ўйин бермаяпти.

  • 57'

    ГООООООООООООЛЛЛЛЛЛЛЛЛ! "Ливерпуль" ҳисобни очди!

    Жарима майдонига ёриб кирган Салаҳ узоқ бурчакни аниқ нишонга олди.

  • 57'

    Жеймс Мильнер ўз ўрнини Кёртис Жонсга бўшатиб берди.

  • 55'

    Макйл Антонионинг зарбаси хавфли, аммо ноаниқ чиқди.

  • 53'

    Салаҳнинг зарбаси Фабианскига муаммо туғдирмади.

  • 50'

    Футболчилар бироз қўпол ўйин кўрсатмоқда: бу сафар Томас Соучек сариқ карточкага лойиқ кўрилди.

  • 48'

    Рақибига нисбатан қоида бузган Райс огоҳлантирилди.

  • 46'

    Иккинчи бўлим бошланди!

  • 46'

    Футболчилар майдонга қайтди. Биз ҳам қайтамиз!

  • 45+1'

    Танаффус!

  • 45+1'

    Салаҳнинг жарима майдони ташқарисидан берган зарбасини Фабиански ушлаб олди.

  • 45'

    Биринчи таймга 1 дақиқа қўшиб берилди.

  • 44'

    Яқин масофадан зарба берган Ориги мўлжалда адашди.

  • 42'

    Жарима майдонига етказиб берилган тўпни Антонио дарвозага йўллади. Алиссон тўпни эгаллаб олди.

  • 40'

    Ҳар икки жамоа вакиллари яратилаётган камсонли имкониятларни кўкка совурмоқда.

  • 38'

    Жарима майдонига яқин ҳудудда "болғачилар" стандарт вазиятга эга бўлди.

  • 35'

    Ўйин темпи бироз пасайди. Тўп учун кураш асосан марказда кечмоқда.

  • 33'

    Марказда Шакрири ва Боуэн бироз жиддий тўқнашиб кетди. Ҳайрият, ҳаммаси жойида.

  • 30'

    Ҳакам Деклан Райсни жамоадошларини тартибга чақиришга ундади.

  • 28'

    Трент воқеалар ривожидан бироз илгарилаб кетди.

  • 25'

    Иккинчи қаватдаги курашда рақибидан устун келган Салаҳ шеригига тўпни қолдирди. Шакирининг кучли зарбаси йўлига ҳимоячилар блок қўйишга муваффақ бўлди.

  • 22'

    Салаҳнинг бош билан йўллаган зарбасига аниқлик етишмади.

  • 20'

    Тўп назорати мерсисайдликлар томонга ўтди. Энди мезбонлар прессинг уюштирмоқда.

  • 17'

    Тьяго қулай имкониятдан аниқ зарба йўллай олмади.

  • 15'

    "Вест Хэм" ҳимоячилари рақибга зарба бериш имкониятини қолдирмаяпти.

  • 13'

    Оригининг жарима майдони маркази томон узатган тўпи ҳимоячидан ўтмади.

  • 11'

    Мойес шогирдлари майдон марказида тўпни назорат қилмоқда.

  • 8'

    Вейналдум узоқ масофадан ноаниқ зарба берди.

  • 7'

    Лондонликлар тўп учун курашда бироз агрессив ўйин намойиш этяпти.

  • 5'

    Оригининг ўткир бурчакдан йўллаган зарбасига аниқлик етишмади.

  • 3'

    Майдон эгалари дастлабки дақиқалардан фаол ўйин кўрсатмоқда. "Ливерпуль" учун "сюрприз" тайёрланганга ўхшайди.

  • 1'

    Ўйин бошланди!

  • 0'

    Футболчилар майдонга тушиб келди. Старт учун барчаси тайёр!

Матнда хатолик топсангиз, ўша хатони белгилаб, бизга жўнатинг (Ctrl + Enter)