Мюнхеннинг “Бавария” клуби собиқ ярим ҳимоячиси Хасан Салихамижич немис грандининг айни дамдаги трансфер сиёсатини маъқулламоқда. Унинг сўзларига кўра мюнхенликлар тез орада нафақат Бундеслигада, балки Чемпионлар лигасида ҳам мувоффақиятларга эриша олади.

“Бизнинг мақсадимиз Чемпионлар лигасида ғолиб чиқиш. Бу турнирда ғолиб чиқиш ажойиб ҳис-туйғуларни беради. Жамоалар ҳозир трансфер бозорида ақлдан озишмоқда. Ҳа, зўр футболчилар бор. Аммо, улар жамоани кучли қила олишига ҳеч ким кафолат бермайди. ЕЧЛда ғолиб чиқиши учун “Бавария”га 100 миллион евролик футболчи керак эмас. Бизда ажойиб жамоа бор ва унинг учун янги мавсум омадли бўлади”, - дейди босниялик футболчи Goal интернет-нашрига берган интервьюсида.