Салоҳ фаолиятини Саудия ўрнига Туркияда давом эттирмоқчи
"Ливерпуль" ҳужумчиси Муҳаммад Салоҳ фаолиятидаги кейинги босқичга тайёргарлик кўрмоқда. Мисрлик футболчи мавсум якунида эркин агент сифатида "қизиллар" сафини тарк этади.
“MatchDay Central”нинг “TEAMtalk”га таяниб хабар беришича, 33 ёшли футболчи Саудия Арабистони клубларини рад этиш эҳтимоли юқори, чунки у Европада қолишни афзал кўради.
Шу билан бирга, манбанинг таъкидлашича, "Фенербахче" аллақачон юлдуз ҳужумчи билан боғланган - турк клуби унга ҳафтасига тахминан 385 минг евро тўлашга тайёр. Футболчи Истанбулга кўчиб ўтиш вариантини жиддий кўриб чиқмоқда.
Салоҳ 2017 йилдан бери "Ливерпуль" шарафини ҳимоя қилиб келмоқда. Жорий мавсумда у 39 та ўйинда 12 та гол ва 9 та голли узатмани амалга оширди.
Фикрлар