Салоҳ мавсум охиригача сафдан чиқди, ЖЧ-2026гача тикланиши кутилмоқда
Миср миллий жамоаси директори Иброҳим Ҳассан терма жамоа вингери Муҳаммад Салоҳ мавсум охиригача майдонга қайтмаслигини маълум қилди.
Унинг сўзларига кўра, футболчининг сон орқа қисми мушагида узилиш аниқланган ва тикланиш учун тўрт ҳафта вақт талаб этилади.
Шу тариқа, Салоҳ жорий мавсумда "Ливерпуль" сафида бошқа ўйинларда иштирок этмайди. Шунингдек, хабарда таъкидланишича, у ёзда клубни тарк этади.
Айни пайтда, мисрлик юлдузнинг ЖЧ-2026га қадар тўлиқ тикланиши кутилмоқда.
Жароҳат туфайли Салоҳ 29 май куни Қоҳирада бўлиб ўтадиган Россияга қарши ўртоқлик учрашувини ҳам ўтказиб юборади.
Фикрлар