Салоҳ сабаб Миср сардори терма жамоадан кетиши мумкин

Миср терма жамоаси сардори Ахмед Фатхи мамлакат миллий жамоасидан кетиши мумкин. Бунга Миср футбол ассоциациясининг Муҳаммад Салоҳга сардорлик боғичини бериш карори сабаб бўлган. Бу ҳақда Фатхининг агенти Надер Шавки айтиб ўтди.

"Ха, Фатхидан сардорлик боғичини Муҳаммад Салоҳга топиширишини сўрашди. Фатхи уларнинг талабни рад этди.

Агар Фатхидан боғични олиб қўйишадиган бўлса, у шунчаки терма жамоа учун бошқа тўп сурмайди. Менимча, Салоҳнинг ўзи ҳам бу гапларни эшитганидан сўнг, бу таклифни рад этади", - дейди агент.