Салоҳни собиқ жамоасига қайтаришмоқчи

"Ливерпуль" ҳужумчиси Муҳаммад Салоҳ яна "Челси"га қайтиши мумкин. Бу ҳақда журналист Кристиан Фальк хабар тарқатмоқда.

Юқоридаги манбага кўра, 28 ёшли мисрлик футболчининг хизматларига шахсан "аристократлар" устози Томас Тухель жиддий қизиқиб қолган. Бироқ "Челси" раҳбариятининг бу борадаги асосий трансфер мақсади барибир Ромелу Лукаку ("Интер") ва Эрлинг Холанд ("Боруссия" Д) бўлиб қолмоқда.

Салоҳ жорий мавсум "Ливерпуль" сафида жами 46 та ўйинда майдонга тушди ва ўз ҳисобига 29 та гол ҳамда 4 та ассист ёздириб қўйди. Унинг айни дамдаги трансфер нархи 110 миллион еврога баҳоланмоқда.

Салоҳ 2014-2016 йилларда "Челси" сафида тўп сурган ва 13 та ўйинда майдонга тушиб, 2 та гол уришга муваффақ бўлган.