U-17 Осиё кубоги. Ўзбекистоннинг чорак финалдаги рақиби маълум

Саудия Арабистони 17 ёшгача бўлган футболчилар ўртасидаги Осиё кубогига мезбонлик қилмоқда.

“D” гуруҳидан ўрин олган Ўзбекистон U-17 терма жамоаси 6 очко тўплаб, чорак финалга йўл олди.

Сергей Чигодаев шогирдлари навбатдаги босқичда Кореяга қарши майдонга тушади. Ўйин 16 май куни Тошкент вақти билан соат 21:00 да старт олади.