Асосий таркибга қайтган Ҳусановнинг ўйини қандай баҳоланди?

АПЛнинг 31-туридан ўрин олган қолдирилган учрашув бўлиб ўтди. "Манчестер Сити" ўз майдонида "Кристал Пэлас"ни қабул қилиб, йирик 3:0 ҳисобида ғалаба қозонди.

Ҳамюртимиз Абдуқодир Ҳусанов ушбу учрашувни асосий таркибда бошлаб, тўлиқ 90 дақиқа майдонда ҳаракат қилди.

Ўйиндан сўнг турли статистик порталлар унинг ўйинини баҳолади. Хусусан, “Fotmob” Ҳусановга 7.6 балл берган бўлса, “Sofascore” 7.3 балл қўйди. Шунингдек, “Flashscore” ҳамюртимизнинг ўйинини 7.1 баллга баҳолади.

Маълумот учун, “шаҳарликлар”нинг очколари сони 77 тага етди ва улар пешқадам “Арсенал”дан 2 очкога ортда бормоқда.