Самвел Бабаян "Нефтчи"га ютқазмаган!

Бугун Суперлиганинг 3-тури ҳам старт олади ва 3 та учрашув бўлиб ўтиши режалаштирилган. 

Турни водий дербиси очиб беради. Исломбек Исмоилов бошқарувидаги "Нефтчи" ўз майдонида "Андижон"ни қабул қилади. Самвел Бабаян мураббийлик фаолияти давомида "Нефтчи"га енгилмаган. Мутахассис бунга қадар "йўлбарслар" билан 9 ўйинда тўқнаш келган ва 6 ғалабани қўлга киритган ва 3 беллашув дуранг билан якунланган.

Эслатиб ўтамиз, "Нефтчи" - "Андижон" баҳси бугун соат 19:00да "Истиқлол" стадионида старт олади.