Сан-Марино футбол федерацияси "Манчестер Сити"нинг устидан кулди

"Манчестер Сити" АПЛ 12-тури доирасида ўз майдонида "Тоттенхэм"га 0:4 ҳисобида имкониятни бой бериб қўйди. Ушбу мағлубият "шаҳарликлар" учун кетма-кет бешинчиси бўлди. 

Ушбу мағлубиятдан сўнг Сан-Марино футбол федерацияси ўзининг расмий "X" саҳифаси орқали "Манчестер Сити" клубини "тролл" қилди. 

Унга кўра, "Манчестер Сити" "X" саҳифасида жойлаштирган ўйин натижаси акс этган постга қуйидагича изоҳ қолдирган : "Салом, биз билан ўйнанг, илтимос. Менимча, биз сизларни мағлуб эта оламиз". 

Таъкидлаш керак, Сан-Марино яқиндагина Лихтештейнни 3:1 ҳисобида таслим этиб, ўз тарихида илк бор 3 та тўп фарқи билан зафар қучганди. Мазкур терма ўз тарихида жами 3 та ғалабани қўлга киритган бўлиб, буларнинг барчаси Лихтиштейнга қарши ўйинларда қайд этилган.