“Сандерленд” 33 йил аввалги рекордни янгилади

"Сандерленд" Англия чемпионати 24-турининг сўнгги ўйинида "Бёрнли"ни мағлуб этди ва бу "Сандерленд" учун ўз уй стадионида кетма-кет ўн иккинчи мағлубиятсиз ўйин бўлди.

Бу билан "қора мушуклар" "Ипсвич"нинг 1992/1993-йилги рекордини янгилади, ўшанда юқори лигага кўтарилган клуб мавсум бошидан буён кетма-кет ўн бир ўйинда ўз уйида мағлуб бўлмаган. Премьер-лигага қайтган "Сандерленд" эса бу рекордни янгилади.

Айни дамда клуб АПЛ турнир жадвалида 32 очко билан 8-ўринни банд этиб туришибди. 25-турда “Сандерленд” мусобақа пешқадами “Арсенал” билан “Эмирейтс”да баҳс олиб боришади.