Сане Манега кийим алмаштириш хонасида нима дегани маълум

Садио Мане Лерой Сане билан можародан сўнг "Бавария"даги жамоадошларидан узр сўради.

"Бавария" "Манчестер Сити"га қарши Чемпионлар лигаси доирасидаги учрашувда 0:3 ҳисобида мағлуб бўлганидан сўнг кийим алмаштииш хонасида Мане Саненинг юзига урганди. 

Жазо вариантлари орасида келишувни бекор қилиш ҳам кўриб чиқилганди, аммо Мюнхен клуби раҳбарлари бундай қилмасликка қарор қилди. 

Натижада Мане "Хоффенхайм"га қарши ўйиндан четлатилди ва 500 минг евро жаримага тортилди. 

"Tz" нашри хабарига кўра, кийим алмаштириш хонасидаги баҳс вақтида Сане Манега инглиз тилида: "Мени тинч қўйинг", - деган. 

Қайд этилишича, Садио ҳозир қийин даврни бошдан кечирмоқда. У билан яқин муносабатда бўлган холаси яқинда вафот этган.