Санжар Файзиев ва Сергей Фомин Таиландда курашга киришди

Файзиев дастлабки даврада мезбонлар вакили Пол Уоттанакулга қарши кортга чиқди. 1 соат 26 дақиқа давом этган беллашув ҳамюртимизнинг 6:1, 7:5 ҳисобидаги ғалабаси билан якун топди.

Фомин эса 1 соат 9 дақиқа ичида япониялик Дайсуке Сумизавани 6:3, 6:1 ҳисобида мағлуб этишга эришди. Иккинчи даврада Сергей қозоғистонлик Григорий Ломакин билан, Санжар эса туркиялик Марсель Илҳанга қарши баҳс олиб боради.