Сарри: Криштиану эшитишни билади

"Ювентус" бош мураббийи Маурицио Сарри шогирди Кришитану Роналдуга дам бермоқчилигини таъкидлаб ўтди.

"Ҳозир Роналду барқарор ўйин кўрсатмоқда, унинг жисмоний ҳолати ҳам яхшиланиб бормоқда. У чарчаши мумкин, бироқ унга майдонда кўпроқ бўлиш ёқади.

Олдинда қизғин тақвим кутиб турибди, шунинг учун Криштиану ҳам бир нечта ўйинларда дам олиши керак. У эшитишни билади. Агар у чарчоқ ҳис қилса, унда унинг ўзи буни биринчи сезади", - дейди Сарри.

Жорий мавсумда Роналду чемпионат баҳсларида 24 ўйинда 23 та гол киритиб, 4 та голли узатма берди.

Матнда хатолик топсангиз, ўша хатони белгилаб, бизга жўнатинг (Ctrl + Enter)