Сарварбек Зафаржонов шоҳсупа тўридан жой олди

Халқаро бирдамлик мусобақасининг учинчи кунига -89 кг вазн тоифасидаги эркаклар баҳси якун ясаб берди. Унда юртимиз шарафини Сарварбек Зафаржонов ҳимоя қилди.

Оғир атлетикачимиз даст кўтариш машқида 160 кг оғирликни ўзига бўйсундира олди. Шу ўринда, Зафаржонов энг яқин тақибчисини 14 килограммга ортда қолдирганини таъкидлаб ўтиш лозим.

Силтаб кўтариш машқида Сарварбек биринчи уринишдаёқ 182 кг тош кўтариб, мусобақа олтин медалини қўлга киритди.

Эркаклар, -89 кг:

Сарварбек Зафаржонов (Ўзбекистон) – 342 кг (160 кг + 182 кг)

Кристофер Осеи (Гана) – 327 кг (146 кг + 181 кг)

Ахмед Нжоя (Камерун) – 291 кг (126 кг + 165 кг)

Матнда хатолик топсангиз, ўша хатони белгилаб, бизга жўнатинг (Ctrl + Enter)