Саудия клублари "Барселона" ярим ҳимоячисига қизиқишмоқда

Фермин Лопесга Саудия Арабистонидан клублар қизиқиш билдирмоқда.

ESPN нашрининг маълумотига кўра, Яқин Шарқдаги бир нечта клублар "Барселона" ярим ҳимоячиси билан шартнома имзолаш имкониятини кўриб чиқмоқда. Аввалроқ, 22 ёшли футболчига Германиянинг "Бавария" клуби ҳам қизиқаётгани ҳақида хабарлар тарқалган эди.

Бироқ ҳозирда на "Барселона", на футболчининг ўзи трансферга қизиқиш билдирмаяпти ва улар ҳамкорликни давом эттириш ниятида.

Ўтган Ла Лига мавсумида Лопес 28 та ўйинда майдонга тушиб, 6 та гол урди ва 5 та голли узатма берди.