Саудияликлар 50 нафар легионер олади. Рўйхат бошида Салоҳ ва Винисиус!

Саудия Арабистони клублари миллий чемпионатга хориждан ўйинчи олиб келиш амалиётини янада кенгайтирадиган бўлди. Шайхлар келаси ёз клубларга камида 50 нафар легионер олиб келишни режалаштирмоқда.

Саудияликлар катта тайёргарлик кўраётган бу трансфер кампанияси 2026 йилги жаҳон чемпионатидан кейин бошланади.

Бу ҳақда talkSPORT хабар бермоқда.

Манба маълумотига кўра, Саудия Арабистони жамоаларининг асосий нишонлари қаторида Муҳаммад Салоҳ (“Ливерпуль”), Бруну Фернандеш (“Манчестер Юнайтед”), Каземиро (“Манчестер Юнайтед”), Винисиус Жуниор (“Реал” Мадрид) ва Роберт Левандовски (“Барселона”) каби машҳурлар бор.

Шунингдек, Англия Премьер-лигасининг бир қатор футболчилари, жумладан Юри Тилеманс (“Астон Вилла”), Амаду Онана (“Астон Вилла”) ва Габриэл Мартинелли (“Арсенал”)  ҳам трансфер нишонлари рўйхатига киритилган.