Сергеев адашини ортда қолдирди! Аҳмедовгача битта гол

Осиё кубоги 2-туридан ўрин олган Ҳиндистон - Ўзбекистон баҳси бўлиб ўтди. Унда вакилларимиз йирик 3:0 ҳисобида рақибдан устун келди. 

Термамиз сафида дастлаб Аббосбек Файзуллаев 4-дақиқада бош билан зарба йўллаб, ҳисобни очди. 18-дақиқада Игорь Сергеев дарвоза устунидан қайтган тўпни рақиб дарвозасига жойлаб қўйди. Тайм сўнггига яқин Насруллаев яқин масофадан деярли бўш қолган дарвозага зарба йўллаб, ҳисобни йирик кўринишга келтириб қўйди. 

Қайд этиш лозим, ҳиндлар дарвозасига иккинчи голни киритган Сергеев Миллий терма жамоа сафидаги голлари сонини 20 тага етказиб олган ҳолда, бу борада Игорь Шквиринни ортда қолдирди (19 та гол). Қайд этиш лозим, собиқ сардоримиз Одил Аҳмедовга (21 та) етиб олиш учун Сергеев яна битта гол уриши лозим.