Сергей Арслонов "Дордой" билан асосий мақсади нима эканини айтди

Хабар берганимиздек, Сергей Арслонов “Дордой” клубида катта мураббий сифатида иш бошлади ва натижага айнан у жавоб беради. Ҳамюртимиз расман ўз лавозимига тайинланганидан кейин клуб матбуот хизматига дастлабки фикрлари билан ўртоқлашди.

“Аввало клуб раҳбарларига таклиф ҳамда меҳмондўстлик учун миннатдорчилик билдираман. Клуб ҳақида нима дейишим мумкин? Ҳа, мен бу борада маълумот олдим. “Абдиш-Ота” жамоаси билан чемпионатнинг сўнгги учрашувида ўйинни томоша қилишга, футболчилар билан яқиндан танишишга муваффақ бўлдим.

Айтишим мумкинки, йигитлар жуда яхши. Ажойиб ижрочилар бор. Ўйинни яхши ташкил этишга эътибор қаратилади. Биласиз, бу жамоанинг олдига қўйилган вазифалар доим юқори. Асосий мақсад, ОФК Кубоги гуруҳ босқичидан муваффақиятли чиқиш”.