Ўзбекистон кубоги ярим финал жавоб баҳсидан ўрин олган “Бунёдкор” – “Локомотив” учрашувидан кейин ташкил этилган матбуот анжуманида мезбонлар устози Сергей Лушчан иштирок этди.   

- Яхши ўйин бўлди. Асосий рақибмиз билан шундай ўйин ўтиши аниқ эди. Мамлакат чемпиони бу учрашувда ҳам ғалаба қозонди.

Биз 3-4 вазиятлар яратдик. Аммо фойдалана олмадик. Пенальтидан ҳам гол ура олмадик. Бу футбол. Унда ҳамма нарса бўлиши мумкин.  

15 декабргача жамоа танаффусга чиқади. Ўша кундан бошлаб яхши тайёргарлик ўкришга ҳаракат қиламиз.

“Бунёдкор” кетма-кет 7 ўйиндан бери “Локомотив” дарвозасига гол ура олмаётгани бу чиндан ҳам муаммо. Асосийси биз вазиятлар яратмоқдамиз. Аммо гол ура олмаяпмиз. Агар биз вазиятлар яратмаган бўлсак ана у фожеа бўларди. Биз фақат вазиятлардан фойдалана олмаяпмиз холос. Олдин айтганимдек бу футбол. Биз бу баҳсда мағлуб бўлдик.

Менга 5 та таклиф бўлаётгани бор гап. Лекин айнан қайсилар борасида гапиришим шарт эмас, - дейди Лушчан.