"Севилья" 41 йиллик антирекордни такрорлади

Испанияда Ла Лиганинг 3-тур учрашуви бўлиб ўтди ва унда "Севилья" сафарда "Алмерия"га 1:2 ҳисобида имкониятни бой берди.

Бу мағлубият андалусияликлар учун жорий мавсумдаги иккинчиси бўлди. Шунингдек, Хулен Лопетеги шогирдлари бир марта дуранг ҳам ўйнашди. Журналист Педро Мартиннинг хабар беришича, чемпионат бошидаги учта ўйинда 1 очко тўплаш “Севилья” учун сўнгги 41 йил ичидаги энг ёмон старт ҳисобланади.

Охирги марта "Севилья" бундай натижани 1981/82 йилги мавсумда қайд этган эди.