"Севилья" "Барса" қизиқаётган юлдузни олиб қўймоқчи

"Манчестер Юнайтед" ҳужумчиси Эдинсон Кавани фаолиятини бошқа жамоа таркибида давом эттиришга яқин турибди.

"Mundo Deportivo" нашри хабарига кўра, уругвайлик футболчи хизматига "Севилья" қизиқиш билдирмоқда. Андалусияликлар анчадан бери марказий ҳужумчи позициясига номзод қидириб келаётган эди. Айнан Кавани бош мураббий Лопетеги излаган футболчи бўлиши кутиляпти.

"Севилья" ва Эдинсоннинг агенти ўртасида музокаралар бошланиб улгурган. Унга Ла Лиганинг бошқа бир гранди "Барселона" ҳам қизиқаётгани, бу трансфер январдаёқ расмийлаштирилиши тахмин қилинаётганди.

34 ёшли Кавани жорий мавсум "қизил иблислар" либосида 8 баҳсда иштирок этиб, рақиб дарвозасига битта тўп киритган.