"Севилья" футболчисида коронавирус аниқланди

“Севилья”нинг марказий ҳимоячиси Жюль Кундеда коронавирус аниқланди. Бу ҳақда клуб расмий сайти хабар тарқатмоқда.

Кунденинг Франция ёшлар терма жамоасидан қайтиб келгандан сўнг, топширган тести мусбат натижа берган. Клуб баёнотида футболчида касаллик аломатларсиз кечаётгани ва у ўз уйида карантинга олингани маълум қилинди.

Кунде жорий мавсум “Севилья” сафида Ла Лигада 2 та ўйинда майдонга тушди.