Карантиндан кейинги дастлабки Ла Лига баҳси "Севилья" ва "Бетис" жамоалари ўртасидаги Андалусия дербиси бўлди. Унда мезбон "Севилья" 2:0 ҳисобида ғалаба қозонди.

56-дақиқада Люк де Йонгга ишлатилган қўполликдан сўнг белгиланган пенальтини Лукас Окампос аниқ ижро этди. Орадан 6 дақиқа ўтиб, мезбонлар бурчак тўпидан ҳисобни ишончли кўринишга келтириб қўйишди. Гол муаллифи Фернандо.

Шу тариқа, "Севилья" ҳисобидаги очколар 50 тага етди ва улар ушбу турда ўз поғонасини (3-ўрин) сақлаб қоладиган бўлди.

Матнда хатолик топсангиз, ўша хатони белгилаб, бизга жўнатинг (Ctrl + Enter)