"Шабаб Ал-Аҳли" - БАА президенти кубоги соҳиби!

"Шабаб Ал-Аҳли" ҳамда "Ал-Наср" ўртасидаги БАА президенти кубоги финали ўз ниҳоясига етди. Учрашув ҳамюртларимиз Жалолиддин Машарипов ҳамда Одил Ҳамробеков тўп сурувчи "Шабаб Ал-Аҳли"нинг 2:1 ҳисобидаги иродали ғалабаси билан якунланди ва улар ушбу мавсумдаги 2-титулини тантанали равишда қўлга киритди. Соврин билан иккала легионеримизни табриклаб қоламиз!

Ўйин анчайин қизғин курашларга бой ўтди: 42-дақиқада "Шабаб Ал-Аҳли" Картабиянинг пенальтидан урган голи эвазига ҳисобни очган бўлса, 82-дақиқада ҳимоядаги палапартишликлар туфайли кутилмаганда, гол ўтказиб юборилди ва айнан шу гол сўнгги дақиқаларнинг янада шиддат олишига сабабчи бўлди.

90+3 дақиқада "Ал-Наср" ҳимоячилари ўз жарима майдончаси ичида қоидани бузгани боис, бош ҳакам 11 метрлик нуқтага ишора қилди ва пенальтини Картабия бу сафар ҳам бехато амалга ошириб, жамоасига ғалаба келтирди. "Шабаб Ал-Аҳли" - БАА президенти кубоги соҳиби!