Ҳамюртимиз ҳаракат қилаётган "Шабаб Ал-Аҳли" жамоаси Осиё чемпионлар лигаси гуруҳ босқичини дуранг билан бошлади. Дубай клуби 1-турда Тожикистоннинг "Истиқлол" клуби билан 0:0 ҳисобида нурсиз дуранг қайд этди. Машарипов дисквалификация сабабли жамоасига ёрдам бера олмади. Учрашувдан кейин "Шабаб Ал-Аҳли" бош мураббийи Маҳди Али қуйидаги фикрларни билдириб ўтди.

"Биз бу ўйиндан ижобий натижа билан чиқишни хоҳлаган эдик, бироқ рақиб ҳимояда ишончли ҳаракат қилди. "Истиқлол" футболчиларимга дарвозагача боришига йўл қўймади.

Қолаверса, Картабия ва Машариповнинг йўқлиги ҳам сезилди. Улар жамоага катта куч қўшишади. Бундай ўйинларда индивидуал ҳаракатлари билан жамоани олдинга олиб чиқадиган футболчилар керак эди. Кейинга ўйинлар ҳақида ўйлашимиз ва мақсад сари интилишимиз керак", - деди мураббий.

"Шабаб Ал-Аҳли" чемпионлар лигаси гуруҳ босқичининг 2-турида Саудия Арабистонининг "Ал-Ҳилол" жамоасига қарши майдонга тушади.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар