Shakira Pikening xiyonat qilganini bilib qoldi va kechirmadi

“Barselona” himmoyachisi Jerar Pike va xonanda Shakiraning oilasi buzildi, deb xabar tarqatdi El Periodico nashri. Ma’lumotlarga qaraganda, kolumbiyalik xonanda futbolchining o‘ziga xiyonat qilayotganidan xabar topgan va uni kechirmagan.

Manbaning ta’kidlashicha, Pike bir necha haftadan beri o‘z uyida bir o‘zi yashamoqda. Tajribali himoyachi vaqtini Riki Puch bilan tungi klublarda o‘tkazyapti.

Pike va Shakira 2011 yildan beri birga yashab kelayotgan edi. Ular hali nikohni rasmiylashtirmagan. Yulduzlar oilasida ikki farzand voyaga etmoqda.

Pike yakunlangan mavsumda 39 ta uchrashuvda qatnashib, o‘z hisobiga uchta gol yozdirib qo‘ydi.