Шакирага хиёнат қилган Пике Хавининг ҳам ишончини йўқотди!

“Барселона”нинг энг тажрибали ўйинчиларидан бери Жерард Пике яқинда хиёнати ортидан Шакира билан ажралишга мажбур бўлган эди. Ҳимоячининг шахсий ҳаётдаги номақбул ишлари унинг клубдаги мавқеига ҳам салбий таъсир қилди.

Жамоа бош мураббийи Хави Эрнандес Пике билан унинг жамоадаги келажаги ҳақида ўзаро гаплашган ва суҳбат давомида Шакира масаласи ҳам кўтарилган. Хави футболчи атрофидаги воқеалар унинг ўйинига салбий таъсир қилишидан хавотирга тушган.

Жерард Пике бош мураббийга ҳали футбол ўйнаш иштиёқи юқори эканини таъкидлаб, шахсий ҳаётидаги муаммолар профессионал фаолиятига таъсир қилмаслигини ва мавсумга ҳар қачонгидан ҳам пухта тайёр бўлишини кафолатлаган.