"Шальке" жорий мавсумда 3-марта бош мураббийни истеъфога чиқарди
Мавсум охиригача бу жамоани яна нечтаси бошқаради?
Кристиан Гросс “Шальке” бош мураббийи лавозимидан озод этилди. Бу ҳақда Kicker нашри хабар бермоқда.
Таъкидлаш керакки, гельзенкирхенликлар шу тариқа жорий мавсумда 3-марта бош мураббийни истеъфога чиқарди. Дастлабки икки турдан сўнг Давид Вагнер ишдан олинган бўлса, сентябрь ойи охирларида Мануэль Баум ҳам жамоа бошқарувидан кетди.
“Шальке” раҳбарияти шунингдек, жамоанинг спорт директори Йохен Шнайдерни ҳам ўз лавозимидан озод этган.
“Шальке” 23 турдан сўнг бор йўғи 1 та ғалаба билан турнир жадвалида сўнгги поғонада бормоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар