"Шальке"да "Тоттенхэм"нинг собиқ устози иш бошлаш арафасида турибди

"Шальке" раҳбарияти жамоа бош мураббийи лавозимига кимни олиб келиш бўйича бир қарорга келди.

Kicker нашри тарқатган хабарга қараганда, гельзенкирхенликлар бу борада Кристиан Гросс номзодига тўхталди. Ушбу швейцариялик мутахассис ўз вақтида "Тоттенхэм", "Базель", "Штутгарт" ва "Янг Бойз" клубларини бошқарган.

Таъкидлаш лозимки, Гросс “Шальке”нинг жорий мавсумдаги 4-мураббийи бўлади. Унгача жамоа муваффақиятсиз натижалар сабаб 3 та мураббийни истеъфога чиқарган эди.

“Шальке” 13 турдан сўнг 2 очко тўплаган ҳолда Бундеслига мусобақа жадвалида сўнгги поғонани эгаллаб турибди.