Расмий хабар! "Пахтакор" Чинедуни ўз сафига қўшиб олди

Стефан Чинеду - "Пахтакор" футболчисига айланди.

"Жамоамиз нигериялик футболчини мавсум охиригача "Сурхон"дан ижарага олди. 26 ёшли ҳужумчи жорий мавсум термизликлар сафида расмий 14 учрашувда 11 гол уриб, 2 ассист муаллифи бўлган. Ўзбекистонга келгунча у фаолиятида Хорватиянинг "Неретванац", "Хайдук", "Дугополе", "Солин", Албаниянинг "Динамо", Босния ва Герцеговинанинг "Широки Бриег", Сербиянинг "Раднички" ва "Раднич" клубларида тўп тепган.

Биз Чинедунинг жамоамиздаги фаолияти омадли чиқишига умид билдирамиз.

"Пахтакор"га хуш келибсан, Стефан!", - дея ёзди "шерлар" матбуот хизмати.