"Шапекоэнсе" футболчилари "Барселона"га қарши учрашувда 71та юлдуз туширилган либосда ўйнашади
Ўтган йили авиахалокатга учраган Бразилиянинг “Шапекоэнсе” клуби 7 август куни “Камп-Ноу”да “Барселона”га қарши бўлиб ўтадиган ўртоқлик ўйинида ўша машъум кун Колумбия осмонида ҳалок бўлган 71 инсон хотираси учун 71та юлдуз туширилган либосда майдонга тушади. Бу ҳақда The Sun нашри хабар тарқатмоқда.
Эслатиб ўтамиз, 2016 йилнинг 29 ноябрь куни бортида “Шапекоэнсе” клуби футболчилари бўлган самалёт Колумбиянинг Медельин шаҳри яқинида авиахалокатга учраган эди. Натижада ҳаво лайнерида бўлган 77та йўловчининг атиги 6таси тирик қолган эди ҳолос.
Эътиборлиси, тирик қолган 3 нафар футболчидан бири Алан Русшел 7 август куни бўлиб ўтадиган “Барселона”га қарши баҳсда иштирок этиши кутилмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар