"Шара Буллет" Конор МакГрегорни кўчада урмоқчи бўлган...

Шарабутдин "Шара Буллет" Магомедов (11-0) Доғистон ҳақидаги сўзлари учун Конор МакГрегорга қандай сабоқ бермоқчи бўлганлигини айтди:

"Мен меҳмонхонага келдим, лекин биз уни кутмадик. МакГрегор жуда жирканч, у қандайдир баёнотлар берди. У “пиар” қилмоқчи бўлди. Баъзи одамлар ўзи ҳақида шов-шув бўлмаса, улар доғистонликларни эслашади; Доғистон атрофида баъзилар интернетда шов-шув айлантиряпти. Эсимда йўқ, у аниқ нима дегани, қайси бир гапи учун уни урмоқчи эдим. Мен Ritz меҳмонхонасига келдим, бизни ичкарига киритишмади. Мен у ерда эдим, дўстларим бор эди. У чиқмади. Aгар ўшанда учратганимда, мен уни урган бўлардим, чунки мен уни уришим мумкинлигига аминман, айниқса кўчада”,- деди “Шара Буллет”

Эслатиб ўтамиз, "Шара Буллет" 21 октябрь куни "UFC 294" турнирида бразилиялик Бруно Силвага (23-9) қарши октагонга кўтарилади.