Шавкат Саломов "Навбаҳор"дан учралган мағлубият сабабини қандай изоҳлади?

Бугун Суперлиганинг 5-тури доирасида “Навбаҳор” Фарғонада “Сурхон”ни қабул қилди ва 3:0 ҳисобида ғалаба қозонди.

Ўйиндан сўнг термизликлар сардори Шавкат Саломов ўзининг учрашув ҳақидаги фикрларини билдириб ўтди.

- Авваламбор бутун Наманган халқини ва “Навбаҳор” жамоасини ғалаба билан табриклайман. Улар муносиб равишда ғалабани қўлга киритишди. Энди ўз майдонимизда бўладиган ўйинга пухта тайёргарлик кўрамиз.

- “Сурхон” жамоаси бугун биринчи бўлимда рақибга анча жиддий қаршилик кўрсатди. Бироқ, иккинчи бўлимда, айниқса ўтказиб юборилган голдан сўнг анча бўшашиб кетишди ва ўйин тизгинини қўлдан бой беришди. Бу нима билан боғлиқ?

- Биласизми, жамоа кетма-кет 5 та ўйиндан буён фақат битта таркиб билан ўйнамоқда. Чунки, “Сурхон” Суперлигага кутилмаганда чиқди ва шу боис таркибдаги барча футболчиларнинг ҳам савияси бир ҳил эмас.  Шу боис футболчиларда чарчоқ аломатлари бор. Қолаверса, таркибимизда ёшлар кўп. Биз жисмоний томонлама ҳам тўлиқ тайёр эмасмиз.

SPORTS.uz муҳбири Бахтиёржон Тоштемиров суҳбатлашди.